Расеец учыніў дэбош на борце самалёта «Белавія»

З-за дэбашыра на борце самалёт «Белавія» рэйса Масква-Менск вярнуўся ў «Дамадзедава».

«Самалёт «Белавія» рэйса Масква-Менск вярнуўся ў аэрапорт «Дамадзедава», - паведаміў агенцтву «Інтэрфакс-Захад» у чацвер намеснік генеральнага дырэктара «Белавія» Ігар Чаргінец.

Ён удакладніў, што дэбашырам аказаўся грамадзянін Расеі.

Па словах Чаргінца, «п'янага грамадзяніна абясшкодзілі пасажыры. Самалёт вярнуўся ў «Дамадзедава», паліцыя ажыццяўляе афармленне здарэння. У самы бліжэйшы час самалёт працягне рух па маршруце».

Як паведаміла крыніца ў авіядыспетчарскіх службах маскоўскага авіяцыйнага вузла, самалёт вылецеў у Менск каля 10:20 мск і каля 10:50 вярнуўся назад, «рашэнне аб вымушанай пасадцы прыняў камандзір у сувязі з буяным паводзінамі пасажыра, які выпіў».

Суразмоўца агенцтва ўдакладніў, што мужчына ўчыніў бойку на борце самалёта. «На борце здарылася бойка, затрыманы яе пачынальнік, ён перададзены паліцыянтам», - заявіла крыніца.

У прэс-службе Упраўлення на транспарце МУС па Цэнтральнай федэральнай акрузе пацвердзілі гэтую інфармацыю. «У цяперашні час дэбашыр дастаўлены ў дзяжурную частку аддзела МУС у аэрапорце для высвятлення ўсіх абставінаў інцыдэнту», - сказаў супрацоўнік прэс-службы.