Анатоль Шумчанка: Нацбанк спрыяе ўвядзенню падатку на шопінг

Анкетаванне на мяжы накіраванае на дапамогу ў складанні ўказу Лукашэнкі аб падатку на шопінг.0

Пра гэта заявіў старшыня грамадскага аб'яднання «Перспектыва» Анатоль Шумчанка, каментуючы сайту charter97.org апытанне на мяжы, якое праводзіцца Нацбанкам.

«Павелічэнне коштаў на прадукты, павелічэнне коштаў на бензін, магчымае павелічэнне па прапанове Мінфіна ПДВ да 22%, прапанова аб спагнанні 100 даляраў за паездку за мяжу - звёны аднаго ланцуга. То бок, гэта ўсё трэба разглядаць як спланаваныя крокі дзяржавы па рашэнні задачы «дзе ўзяць грошы?». Адзінае, што адрозніваецца - гэта мэтавыя групы. Калі мы гаворым пра Нацбанк, то магчыма, што гэтыя мерапрыемствы накіраваныя на тое, каб нейкім чынам унесці карэкціроўкі альбо дапамагчы скласці будучы ўказ Лукашэнкі аб збіранні платы за перасячэнне мяжы», - адзначыў адзін з лідараў прадпрымальніцкага руху.

Ён упэўнены, што гэта выключна эканамічная мера, каб узяць грошай з прымежнага бізнесу.

«Калі казаць пра тое, што папярэднічала «100 далярам з носа», то мы ўсе бачылі некалькі месяцаў таму масавыя праверкі людзей на мяжы, якія едуць з Польшчы, калі ўсе бусы альбо машыны з таварамі былі загорнутыя на чырвоны канал. Гэта значыць дзяржава спачатку паспрабавала змагацца з гэтай з'явай шляхам ускладнення працэдур і жыцця перавозчыкам. Гэта не дало сваіх пладоў. Затым улады сталі думаць, як з гэтым змагацца. І знайшоўся чыноўнік, які ўнёс гэтую прапанову пра 100 даляраў, маўляў, калі мы не можам з гэтым змагацца, то давайце хоць бы браць з людзей грошы. Я ўпэўнены, што ён атрымае шматмільённую прэмію за гэтую прапанову», - перакананы лідар «Перспектывы».

Ён лічыць, што цяпер распрацоўваецца ўказ, і ўлады спрабуюць лавіраваць.

«На мой погляд 100 даляраў будуць плаціць не ўсе, а тыя, хто ездзіць раз у два тры дні або тыдзень. А тыя, хто ездзіць раз у месяц ці на два тыдні, можа абкладацца падаткам не будуць па адной простай прычыне: указы пішуць чыноўнікі, а ў большасці чыноўнікаў і іх сваякоў адкрытыя візы, і ясна, што яны не будуць сабе рабіць харакіры і «жалезную заслону». Я думаю, што тыя, хто ўносіць такія прапановы перачыталі раман рускага фантаста Аляксандра Бяляева «Прадавец паветра». І яны нават пойдуць яшчэ далей, каб хоць неяк урваць кавалак у бюджэт. Але я лічу, што 100 далярамі людзей не спыніць. Натуральна, гэта крыху знізіць прымежны бізнес, і яму будзе патрэбны час, каб прывыкнуць да гэтага. Але гэта не тыя грошы, якія спыняць паток на мяжы», - падсумаваў Анатоль Шумчанка.

Нагадаем, Нацыянальны банк прапануе беларусам, якія перасякаюць мяжу, запоўніць ананімную анкету. У анкеце змяшчаюцца пытанні на рускай і англійскай мовах. Грамадзянам, якія перасякаюць мяжу, прапануюць расказаць пра мэты паездкі і яе працягласць. Таксама складальнікі дакумента цікавяцца сумай, якую людзі плануюць выдаткаваць падчас падарожжа і таварамі, якія яны вывозяць з Беларусі.