Школьнікі Мазыра атруціліся глазураванымі сыркамі?
24- 26.09.2013, 12:19
- 14,956
Вынікі дадатковых экспертыз будуць гатовыя на наступным тыдні.
Гомельскі абласны цэнтр гігіены, эпідэміялогіі і грамадскага здароўя пакуль дакладна не высвятліў, чым канкрэтна атруціліся больш за 70 школьнікаў Мазыра.
- Ідуць дадатковыя экспертызы, устанаўліваюцца крыніцы, пакуль ёсць некалькі версій, а прадметна казаць зможам толькі на наступным тыдні, - адказалі «Комсомольской правде в Беларуси» у цэнтры.
А па неафіцыйнай інфармацыі, асноўная версія такая: прычынай атручвання сталі глазураваныя сыркі, якія дзеці елі ў той злапомны дзень на сняданак.
Нагадаем, у бальніцы паступілі дзеці з дзевяці гарадскіх школ з вострым болем у жываце.