Гомельскага актывіста звольнілі за майку «Лукашэнка, сыходзь»
44- 28.01.2014, 18:16
- 4,823
Апазіцыянера Юрыя Рубцова звольнілі з працы паводле палітычных матываў.
Пра гэта актывіст паведаміў сайту charter97.org.
«Я працаваў кіроўцам на прыватным прадпрыемстве «Цэнтр будаўніцтва і рамонту», але мяне звольнілі. То бок, не тое, што звольнілі, а прапанавалі гэта зрабіць. І я, для таго, каб не падстаўляць астатніх людзей, проста напісаў заяву аб звальненні. Цалкам магчыма, што на майго кіраўніка быў ціск з боку спецслужбаў ці яшчэ каго-небудзь», - сказаў ён.
Нагадаем, прафсаюзнага актывіста з Гомеля Юрыя Рубцова затрымалі 3 лістапада 2013 года ў Менску адразу пасля заканчэння шэсця ў Курапаты. Прычынай стала адмова зняць майку з надпісам «Лукашэнка, сыходзь». На наступны дзень суд Савецкага раёна Менска асудзіў актывіста да трох сутак арышту.