ЗВР за год абваліліся на $1,4 мільярда
15- 4.01.2014, 16:40
- 11,952
Золатавалютныя рэзервы Беларусі за 2013 зменшыліся на $1,4 мільярда.
Золатавалютныя рэзервы Беларусі (у вызначэнні ССРД МВФ) выраслі ў снежні 2013 года на 192,2 млн даляраў і на 1 студзеня 2014 года склалі 6650,9 млн даляраў ЗША. У нацыянальным вызначэнні аб'ём золатавалютных рэзерваў павялічыўся на 193,7 млн даляраў ЗША і на 1 студзеня 2014 г склаў 7 236,1 млн даляраў ЗША ў эквіваленце.
Пра гэта паведамляе прэс-служба Нацбанка.
«Павелічэнню золатавалютных рэзерваў спрыяла размяшчэнне валютных аблігацый Міністэрства фінансаў Рэспублікі Беларусь на ўнутраным рынку краіны, пераклад не рэзервовых актываў у рэзервовыя, а таксама паступленне першай часткі крэдыту Расейскай Федэрацыі.
Пры гэтым у снежні 2013 года Нацыянальным банкам і Урадам Рэспублікі Беларусь былі выкананыя ў поўным аб'ёме знешнія і ўнутраныя абавязацельствы ў замежнай валюце, у тым ліку зробленыя выплаты па крэдыце «стэнд-бай» Міжнароднага валютнага фонду», - гаворыцца ў паведамленні прэс-службы.
У той жа час за мінулы год ЗВР знізіліся на 1444,1 млн даляраў.