Чыноўніка затрымалі за падбухторванне да дачы хабару ў $100 тысяч

КДБ затрымаў дзяржаўнага антыкрызіснага кіраўніка.

Супрацоўнікамі Камітэта дзяржаўнай бяспекі пры атрыманні грашовых сродкаў, прызначаных для наступнай перадачы ў якасці хабару службовым асобам Магілёўскага абласнога тэрытарыяльнага аддзела па санацыі і банкруцтве Міністэрства эканомікі, затрыманы дзяржаўны антыкрызісны кіраўнік.

Пра гэта паведамляе прэс-служба КДБ.

«Валодаючы інфармацыяй аб правядзенні праверкі працэдуры банкруцтва адной з камерцыйных структур Магілёва, затрыманы пераканаў заснавальніка фірмы ў тым, што можа аказаць садзейнічанне ў яе спыненні, для чаго службовым асобам аддзела па санацыі і банкруцтве, якія праводзяць праверку, неабходна перадаць 100 тысяч даляраў ЗША. Антыкрызісны кіраўнік затрыманы з доказамі злачынства пры атрыманні часткі названай сумы ў памеры 30 тысяч даляраў ЗША», - гаворыцца ў паведамленні.

Па матэрыялах упраўлення КДБ па Магілёўскай вобласці ў дачыненні да затрыманага Следчым камітэтам Рэспублікі Беларусь узбуджаная крымінальная справа па прыкметах злачынства, прадугледжанага ч.5 арт.16 і ч.2 арт.431 (падбухторванне да дачы хабару) КК Рэспублікі Беларусь.

Да падазраванага прымененая мера стрымання ў выглядзе заключэння пад варту. Устанаўліваюцца іншыя эпізоды яго супрацьпраўнай дзейнасці.