Над Балтыкай заўважылі восем расейскіх ваенных самалётаў
4- 29.10.2014, 21:03
- 9,458
У аўторак над Балтыйскім морам былі заўважаныя адразу 8 расейскіх ваенных самалётаў.
Пра гэта паведамляе ў сераду Укрінфарм са спасылкай на нямецкае выданне Bild Online.
"Прадстаўнік нямецкіх ВПС пацвердзіў Bild, што ў аўторак пілоты двух нямецкіх знішчальнікаў ідэнтыфікавалі ў міжнароднайпаветранай прасторы над Балтыйскім морам адразу 8 расейскіх ваенных самалётаў", - гаворыцца ў паведамленні.
Як піша выданне, гэта былі самалёты тыпу MiG-31 Foxhound, Su-34 Fullback, Su-27 Flanker і Su-24 Fencer. Паводле слоў прадстаўніка нямецкіх ВПС, расейскія самалёты знаходзіліся ў міжнароднай авіяпрасторы на працягу 25 хвілін.
Нямецкія ВПС ("люфтвафэ") у цяперашні час удзельнічаюць у аперацыі НАТА Air Policing Baltikum з мэтай узмоцненага патрулявання паветранай прасторы над Балтыкай.
Як адзначае выданне, цягам апошніх тыдняў пачасціліся выпадкі набліжэння самалётаў расейскіх ВПС да паветранай прасторы балтыйскіх краін-чальцоў НАТА. На мінулым тыдні расейскі самалёт-выведнік нават уварваўся ў паветраную прастору Эстоніі.