Аляксандр Ермаковіч: Удзячны хлопцам за характар, волю і ўменні

Настаўнік БАТЭ Аляксандр Ермаковіч пасля перамогі над менскім «Дынама» (2:1) адзначыў характар і валявыя якасці сваіх падапечных.

- Вельмі задаволеныя перамогай. Вельмі важна было дасягнуць добрага выніку. Удзячны хлопцам, што ў ключавы момант сезону яны зноў праяўляюць характар, волю і ўменні. Вынік сёння быў вышэй за ўсё, і мы яго дамагліся, - заявіў Аляксандр Ермаковіч у інтэрв'ю «Прессболу».

- Якое вашае меркаванне наконт пераносу паядынку?

- На падрыхтоўку да матчу перанос ніяк не паўплываў. Так, былі непрадбачаныя абставіны. Аднак рады, што вырашылі гэтае пытанне.

- БАТЭ з гэтага часу мае перавагу ў чатыры ачкі над «Дынама» і ўсе тры гульні правядзе на «Барысаў-Арэне». Гэта памнажае вашыя шанцы на чэмпіёнства?

- Не сказаў бы. Калі вы ведаеце статыстыку, то ў гасцях мы набралі больш ачкоў, чым дома. Так што гэта ўсё непрынцыпова.