Лукашэнка: Некаторыя міністры дапрацаваліся да таго, што іх дзеці жывуць у ЗША

Дыктатар ставіць пад сумнеў эфектыўнасць рэформаў, якія праводзяць чыноўнікі, чые дзеці жывуць у ЗША.

«Некаторыя ў нас міністры дапрацаваліся да таго, што іх дзеці пастаянна жывуць у Злучаных Штатах Амерыкі і навучаюцца там, а яны рэфармуюць нашу сістэму адукацыі. Зразумела, што будзе ад гэтых рэформаў», - сказаў Лукашэнка пры справаздачы ўрада, Нацыянальнага банка аб рабоце эканомікі за 2014 і прагнозе на 2015 год, паведамляе БелТА.

Лукашэнка падкрэсліў важнасць кадравага пытання. «Я заўсёды загадзя ўсіх папярэджваў: усё будзе залежаць ад таго, як той ці іншы чалец урада, губернатар, памочнік напружваюцца, працуюць і якія вынікі даюць. Будуць вынікі - будзе праца. Не будзе вынікаў - вы таксама ведаеце, што магчыма», - адзначыў ён.

Акрамя таго, кіраўнік заявіў, што ніколі не гуляў у таямніцы з народам як пры вырашэнні эканамічных праблем, так і пры прыняцці кадравых пастаноў. «Ведаю, што напярэдадні гэтай нарады і ў сродках масавай інфармацыі, і ў нашым грамадстве, зразумела, кім спецыяльна падымаюцца асобныя пытанні, каб пачуць з маіх вуснаў адказы на іх. Некаторыя пытанні аб'ектыўна існуюць, таямніц ніякіх няма. Я іх ніколі не рабіў, і мне няма неабходнасці гуляць у нейкія таямніцы з народам: ад развязвання эканамічных праблем да кадравых», - дадаў кіраўнік.