Акцыя ў Маскве: 10 тысяч медыкаў патрабуюць адстаўкі ўрада РФ

Шэсце медыкаў стартавала а 13:00 на Самацечнай вуліцы і завершыцца на скрыжаванні вуліцы Дурава і Алімпійскага праспекта.

Пасля шэсця, каля 13:50, пачаўся мітынг. Арганізатарам акцыі выступіў незалежны прафсаюз медработнікаў «Дзеянне», Канфедэрацыя працы Расеі (КТР) і грамадскі рух «Разам - за годную медыцыну», піша РБК.

Акцыя праходзіць без здарэнняў. Арганізатары акцыі са сцэны мітынгу заявілі аб яўцы ў 10 тысяч чалавек. Многія лозунгі, якія выкрыквалі пратэстоўцы, мелі палітычны характар («Урад у адстаўку», «Лекары добрыя - улада дрэнная» і інш.).

Удзельнікі акцыі таксама выступаюць супраць нізкіх заробкаў у маскоўскіх медыкаў. У акцыі бяруць удзел каля 1,5-2 тысяч чалавек, няштатных сітуацый на шэсці не адбываецца. Шэсце стартавала на Самацечнай плошчы і завершыцца на скрыжаванні вуліцы Дурава і Алімпійскага праспекта. Пасля шэсця ўдзельнікі акцыі правядуць мітынг. Арганізатарамі акцыі выступіў незалежны прафсаюз медработнікаў «Дзеянне», Канфедэрацыя працы Расеі (КТР) і грамадскі рух «Разам - за годную медыцыну».

Сённяшняе шэсце стала другой буйной акцыяй сталічных работнікаў медыцыны супраць рэформы аховы здароўя. Першая падобная акцыя, мітынг «Спыніць развал медыцыны Масквы», адбылася 2 лістапада на Сувораўскай плошчы. Тады ў мітынгу лекараў узялі ўдзел больш за 6 тысяч чалавек. На наступны дзень пасля акцыі Міністэрства аховы здароўя афіцыйна заявіла, што ўлічыць меркаванне лекараў.

Падчас рэарганізацыі сістэмы аховы здароўя ў Маскве плануецца ліквідаваць шэраг лякарняў, радзільняў і іншых медыцынскіх устаноў. З апублікаванага на сайце rusmedserver.ru плана рэарганізацыі вынікае, што працоўных месцаў пазбаўляцца супрацоўнікі 28 медустаноў, у тым ліку 15 лякарняў. Скарачэнні мяркуецца правесці ў два этапы: спачатку лякарню далучаць да іншай установы і ператвораць у філіял, затым будзе праведзеная непасрэдна ліквідацыя. Памяшканні ліквідаваных лякарняў будуць вызваленыя.

Фота: Алег Якаўлеў/РБК