Міліцыя выгнала працоўных-галадоўнікаў з Бабруйскага гарвыканкама

Палкоўнік міліцыі паводзіў сябе агрэсіўна, хапаў працоўных за вопратку і выштурхваў на вуліцу.

Галадоўка рабочых Бабруйскага завода трактарных дэталяў і агрэгатаў пачалася 5 лістапада. Такім чынам яны выказваюць пратэст супраць звальнення, якое звязваюць з прыналежнасцю да Вольнага прафсаюзу Беларускага, піша «Салiдарнасць».

У першы дзень галадоўкі Мікалай Жыбуль, Алег Шаўчэнка, Аляксандр Варанкін і Аляксандр Грамыка прыйшлі ў Бабруйскі гарвыканкам.

- Рабочыя размясціліся ў фае на пятым паверсе, - распавёў лідар пяршоўкі работнікаў Бабруйскага завода трактарных дэталяў і агрэгатаў Міхаіл Кавалькоў. - Неўзабаве да працоўных падышоў палкоўнік міліцыі Сяргей Рычкоў. Ён перапісаў іх пашпартныя звесткі і заявіў, што адвязе ўсіх на біржу працы і працаўладкуе. Са слоў Міхаіла Кавалькова, супрацоўнік праваахоўных органаў паводзіў сябе агрэсіўна, хапаў працоўных за вопратку і выштурхваў на вуліцу. Рабочыя вымушаныя былі пакінуць будынак гарвыканкама.

- Не будзем жа мы яго за форменную вопратку хапаць, каб нас абвінавацілі ў супраціве супрацоўніку міліцыі, - патлумачыў Міхаіл Кавалькоў.

Суразмоўца не сумняваецца, што палкоўніка міліцыі выклікалі работнікі гарвыканкама.

- Цяпер мы сядзім у аўтамабілі каля выканкаму, плануем зноў прайсці ў будынак.

Чацвёра сябраў Свабоднага прафсаюза Беларускага (Мікалай Жыбуль, Алег Шаўчэнка, Аляксандр Варанкін і Аляксандр Грамыка) пастанавілі абвясціць галадоўку пасля таго, як атрымалі адказ на свой зварот у адміністрацыю Лукашэнкі.

У лісце яны паказалі, што дырэктар прадпрыемства Аляксандр Аграновіч звальняе высокакваліфікаваных работнікаў, пераследуючы іх праз прыналежнасць да СПБ, і тым самым падрывае эканамічны стан дзяржавы.

Іх зварот быў накіраваны ў вытворчае аб'яднанне МАЗ. Адказ рабочыя палічылі адпіскай, паколькі бабруйскі завод не філіял МАЗа, а юрыдычна самастойнае прадпрыемства, і наважылі галадаць, пакуль іх не пачуюць улады.

- Гэта крык адчаю, - кажуць рабочыя.