Тэлеканал ТНТ вяртаецца ў Беларусь

Сейлінгавае агенцтва «Алькасар Медыя Сэрвіс» афіцыйна аб'явіла аб пачатку ў 2015 годзе продажаў рэкламы на тэлеканале «ТНТ International» у Беларусі.

Уся тэхнічная база для пачатку вяшчання гатовая. У гэты момант завяршаюцца ўсе дакументальныя працэдуры і атрыманне ліцэнзіі, піша marketing.by.

«ТНТ International» (ці «ТНТ-Comedy») з'яўляецца міжнароднай версіяй тэлеканала ТНТ. «ТНТ-Comedy» рэалізаваны на платформе тэлеканала Comedy TV з верасня ў 2014 года.

На канале выходзяць найбольш топавыя праграмы і серыялы ТНТ, такія як Comedy Club, Comedy Woman, «Інтэрны», «Экстрасэнсы вядуць расследаванне», «Дом-2», «Фізрук» і іншыя.

Тэлеканал даступны на тэрыторыі былога СНД, у краінах Балтыі, Еўропы, а таксама ў ЗША і Ізраілі.