Сіндзо Абэ пераабраны прэм'ер-міністрам Японіі
- 24.12.2014, 15:42
- 2,673
Парламент Японіі пераабраў прэм'ер-міністрам Сіндзо Абэ.
Пра гэта паведамляе Lenta.ru са спасылкай на Associated Press.
Пры галасаванні ў ніжняй палаце Абэ набраў 328 галасоў з 470. Ужо вядома, што амаль усе чальцы кабінета міністраў захаваюць свае пасады. Адзіная замена - кіраўнік Мінабароны Акіноры Это. Ягоны пераемнік пакуль не названы, хутчэй за ўсё, ім стане Гэн Накатані, які быў кіраўніком абароннай установы за прэм'ерам Дзюн’ітыра Каідзумі.
Паводле вынікаў выбараў, якія прайшлі ў сярэдзіне снежня, у ніжнюю палату парламента кіроўная кааліцыя атрымала 325 мандатаў з 475, з якіх на дзель Ліберальна-дэмакратычнай партыі Сіндзо Абэ прыпала 290. Яе партнёры ў кааліцыі з партыі «Новая Камэйта» атрымалі 35 мандатаў. Поспех блока сведчыць аб тым, што грамадства ўхваляе эканамічную палітыку, якая праводзіцца прэм'ерам, - так званую абэноміку.
Фота: AP