Corriere della Sera: 2015 павінны стаць годам украінскага рэваншу

2015 можа стаць годам перамогі для Украіны.

Еўропа павярнулася тварам да Украіны і ўвяла санкцыі супраць Расеі, санкцыі выявіліся эфектыўнымі, піша французскі філосаф Бернар-Анры Леві ў Corriere della Sera.

Парашэнка

Аўтар артыкула ставіць у адзін шэраг Маджыбура Рахмана ў Бангладэшы, Ахмад Шаха Масуда ў Афганістане, Алію Ізэтбеговіча ў Босніі, Леха Валенсу ў Польшчы, Вацлава Гавела ў Чэхіі і ўкраінскага прэзідэнта Пятра Парашэнку. "Хай да гэтай нешматлікай, але слаўнай кампаніі людзей-сімвалаў сённяшняга дня будзе дададзенае імя Парашэнкі, нікому не вядомага, якога я адшукаў на Майдане, потым адвёз у Парыж, і які вельмі хутка стаў палітычным і вайсковым лідарам, чалавекам, які не саступае Пуціну ў той час, калі ўсе ці амаль усе схіляюцца перад ім", - піша аўтар артыкула.

Францыя

"Сапраўдным важным учынкам, за які я ўдзячны французскаму прэзідэнту і які, я перакананы, залічыцца яму гісторыяй, стала адмова ад перадачы Расеі караблёў Mistral. Гэта было адважнае рашэнне. Верагодна, яго было цяжка прыняць. Яно можа наклікаць на яго несправядлівыя судовыя разборы. У сутнасці, гэта было адзінае рашэнне, якое адпавядае логіцы і, адначасова з гэтым, нашаму рангу і нашым інтарэсам", - піша аўтар артыкула.

Еўропа

Еўропа ў апошнія месяцы года ўзгадала пра сваіх абавязацельствы і стала паводзіць сябе адэкватна. "Была прынятая пастанова аб нейкіх санкцыях. Больш за тое, яны былі ўведзеныя. Больш за тое, яна прывялі да канкрэтных вынікаў. Падзенне рубля... Крах рынка акцый у Маскве... Масавыя ўцёкі капіталаў... Як калісьці ў Паўднёва-Афрыканскай Рэспубліцы, у Сербіі і ў Іраку ці як вельмі хутка будзе ў Іране, цвёрдасць апраўдала сябе", - упэўнены аўтар артыкула.

Пуцін

"Прайшоў год, як ідуць справы? Крым прадаўжае заставацца акупаваным. Данбас аддадзены агню і мячу. Але кароль Пуцін - голы. Ягоная разбураная эканоміка прывяла да таго, што ў адзін момант ён перастаў рабіць уражанне на каго-небудзь. Расея сама пачынае сумнявацца ў разліках гэтага былога агента КДБ, які, як здаецца, не адпавядае сваёй маніі велічы. І ў той час, калі Рада аднадушна выказвае жаданне ўступіць у NATO, двайны візіт у Кіеў двух слупоў Еўразіі, прэзідэнтаў Беларусі і Казахстана, быць можа, азначае канец ягонага вялікага імперскага праекта..."- піша філосаф.

"Застаецца толькі дамагчыся пастаўленай мэты. Перш за ўсё, застаецца рэалізаваць план Маршала для Украіны... Кола фартуны закруцілася. Крэмль больш не размаўляе на мове лёсу. Нельга выключаць таго, што 2015 стане годам перамогі для Украіны", - мяркуе аўтар артыкула.

Пераклад: Inopressa.ru