ДАІ часткова перацяла ўезд аўтатранспарту ў Кіеў
- 18.02.2014, 18:24
- 4,553
У горад цяжка трапіць з боку жытомірскай, адэскай, браварскай і барыспальскай трасы.
Работнікі ДАІ абмежавалі ўезд аўтатранспарту ў Кіеў. Па цэлым шэрагу дарог праезд транспарту ў горад ідзе альбо па адной паласе, альбо і зусім перацяты. У прыватнасці, абмежаваны ўезд у Кіеў з боку жытомірскай, адэскай, браварскай і барыспальскай трасы, піша Лiга.НЕТ.
Тым часам у самім Кіеве замкнутыя на ўваход і выхад станцыі метро "Хрышчацік", "Майдан Незалежнасці", " Арсенальная", "Хрышчацік", "Паштовая плошча", "Універсітэт" і "Палац спорту" ў сувязі з акцыямі пратэсту ў цэнтры Кіева. У прэс-службе метрапалітэна не ўдакладнілі, як доўга станцыі метро будуць замкнутыя.
Нагадаем, у цэнтры Кіева адбываюцца акцыі пратэсту. Міністэрства ўнутраных спраў і Служба бяспекі Украіны апублікавалі супольную заяву, у якой запатрабавалі ад апазіцыі спыніць беспарадкі да 18:00, інакш "ужывуць жорсткія дзеянні".
Нагадаем, сёння ў Кіеве аднавіліся сутыкненні паміж дэманстрантамі і сілавікамі. У раёне Вярхоўнай Рады мітынгоўцы прарвалі міліцэйскі кардон. На скрыжаванні вуліц Грушэўскага і Крэпасны вал удзельнікі мітынгу узлезлі на аўтамабілі, што загарожвалі дарогу і выціснулі адтуль байцоў Унутраных войскаў. Падпаленыя офіс партыі рэгіёнаў у Кіеве. Па мітынгоўцах страляюць з шратавікоў. Вакол Вярхоўнай Рады актывісты ўзводзяць новыя барыкады. Дзесяткі чалавек - як з боку дэманстрантаў, так і з боку сілавікоў - атрымалі раны. Пяць чалавек забітыя.