Украінскіх памежнікаў узялі ў аблогу ў Крыме
- 28.02.2014, 11:46
- 3,505
Узброеныя людзі атачылі ўкраінскіх памежнікаў у Крыме.
У Балаклаве невядомыя асобы са зброяй атачылі па перыметры атрад марской аховы Дзяржпамежслужбы Украіны. Пра гэта паведамілі крыніцы ў ваенных колах, перадае ТСН.
Цяпер вакол памежнай часткі стаяць узброеныя асобы. На пытанне, з якой мэтай яны там знаходзяцца, адказваюць «З мэтай аховы». Камандаванне атрада памежнікаў вядзе перамовы з гэтымі людзьмі.
Нагадаем, міністр унутраных спраў Украіны Арсэн Авакаў паведаміў, што начныя падзеі ў Крыме з'яўляюцца акупацыяй і ўзброеным уварваннем.