Рада бяспекі ААН падтрымала Украіну
59- 1.03.2014, 6:44
- 52,783
Чальцы Рады Бяспекі ААН выказалі падтрымку суверэнітэту, адзінству і тэрытарыяльнай цэласнасці Украіны.
Пра гэта ў размове з журналістамі заявіла Старшыня Рады Бяспекі Пастаянная прадстаўніца Літвы Раймонда Мурмакайтэ.
Яна распавяла, што Рада правяла надзвычайнае пасяджэнне па просьбе Пастаяннага прадстаўніка Украіны пры ААН у сувязі з пагаршэннем сітуацыі ў Аўтаномнай Рэспубліцы Крым і пагрозе тэрытарыяльнай цэласнасці Украіны, а таксама закрытыя кансультацыі паводле Украіны.
Памочнік Генеральнага сакратара ААН у палітычных пытаннях Оскар Фернандэс-Таранка выступіў з брыфінгам перад чальцамі Рады, распавёўшы аб сітуацыі ва Украіне.
«Чальцы Рады Бяспекі з занепакоенасцю ўспрынялі інфармацыю аб развіцці падзей у гэтай краіне. Падчас абмеркавання была выказана падтрымка суверэнітэту, адзінству і тэрытарыяльнай цэласнасці Украіны», - сказала Раймонда Мурмакайтэ.
З яе слоў, чальцы Рады пагадзіліся з важнасцю праяўляць стрыманасць усімі «палітычнымі гульцамі» ва Украіне і заклікалі да комплекснага палітычнага дыялогу з улікам разнастайнасці ўкраінскага грамадства.
Прадстаўніца Літвы адзначыла, што з такімі «элементамі для прэсы» яна выступіла як Старшыня Рады Бяспекі.