Пажар на Менскім маторным заводзе
14- 15.03.2014, 18:15
- 22,748
На Менскім маторным заводзе сёння днём узнік пажар.
Пра гэта паведаміла прэс-служба гарадскога ўпраўлення МНС.
Адбылося ўзгаранне трансфарматара і разлітага трансфарматарнага алею ў цэху алюмініевага ліцця на плошчы 25 кв.м. Усяго ў трансфарматары было 1350 кг алею. Паводле ўдакладненых звестак, пажар ужо патушаны.
Пацярпелых няма. Прычына ўзгарання высвятляецца.