Бабулю з Феадосіі шпурнулі на зямлю за пратэст супраць акупацыі (Відэа)

Баевікі атакавалі пажылую жанчыну за яе словы аб «украінскім Крыме».

Відэа інцыдэнту размешчана на YouTube.

«Нас не трэба ні ад каго абараняць. У нас Крым быў і ёсць украінскі. А вы робіце правакацыю, каб мы баяліся, але я не баюся. Страх - гэта псіхалогія раба», - сказала яна.

У адказ прадстаўнік сепаратысцкай «самаабароны» груба штурхнуў жанчыну, абазваўшы яе правакатарам. Бабуля ўпала і не змагла падняцца без дапамогі старонніх людзей.

Побач таксама знаходзіліся як расейскія вайскоўцы, так і прыхільнікі сепаратыстаў у вайсковай форме з георгіеўскай стужачкай. Яны спакойна назіралі за тым, што адбываецца.

Нагадаем, пачынаючы з канца лютага расейскія войскі занялі практычна ўсю тэрыторыю Крыму. 6 сакавіка парламент аўтаноміі прыняў пастанову аб яе ўваходжанні ў склад РФ. 78 з 100 дэпутатаў прагаласавалі за акупацыю Крыму і правядзенне «рэферэндуму» паводле гэтага пытання 16 сакавіка. Пазней парламент прыняў «дэкларацыю аб незалежнасці» паўвыспы.

Сёння Вярхоўная Рада Украіны распусціла парламент Крыму.