Домрачава заняла другое месца на этапе Кубка свету
9- 16.03.2014, 16:06
- 15,316
Беларуска Дар'я Домрачава заняла другое месца ў гонцы пераследу на этапе Кубка свету ў Кантыялахці.
Роўных жа не было фінцы Кайсе Мякярайнен. На трэцім месцы - расейка Вольга Зайцава, піша «Прессбол».
Дар'я Домрачава стартавала на дваццатай пазіцыі, але ўжо пасля першай стральбы паднялася на пятую. Дакладна адстралялася і на другім рубяжы, трохразовая алімпійская чэмпіёнка стала другой і ўтрымалася на гэтым месцы да фінішу.
Адзінае пудла беларуска дапусціла на апошняй стральбе.
Надзея Скардзіна (1+0+4+0) фінішавала на 17 месцы, Людміла Калінчык (0+0+3+1) - на 31, Анастасія Дубарэзава (1+3+1+1) - на 51.
