Малдова заявіла аб жаданні выйсці з СНД
28- 21.03.2014, 18:22
- 42,652
Улады краіны збіраюцца пакінуць Садружнасць пасля падпісання пагаднення аб асацыяцыі з Еўразвязам у 2014 годзе.
Малдова можа прыняць пастанову аб выхадзе з Садружнасці незалежных дзяржаў пасля падпісання пагаднення аб асацыяцыі з Еўрапейскім звязам, паведаміў партал Liga.net. Пра гэта заявіў старшыня парламенцкай фракцыі ЛДПМ Валерый Стралец.
«У той момант, калі мы палічым, што гэта Садружнасць не адказвае нашым пазіцыям і ніякай выгады не нясе нам у адносінах з іншымі дзяржавамі - і гаворка ідзе не толькі пра Расею, гаворка ідзе пра астатнія краіны-сябры - тады, верагодна, мы перагледзім нашу пазіцыю», - заявіў палітык.
Ён адзначыў, што ў кантэксце падпісання і ратыфікацыі пагадненняў аб асацыяцыі і свабодным гандлі частку пагадненняў, якія ў сапраўдны момант дзейнічаюць з дзяржавамі СНД, прыйдзецца перагледзець або дэнансаваць.
Нагадаем, што Малдова і Грузія парафіравалі пагадненне аб асацыяцыі з Еўразвязам падчас саміту Усходняга партнёрства ў Вільні 28 лістапада 2013 года. У Еўразвязе плануюць перанесці падпісанне пагадненняў аб асацыяцыі з Малдовай і Грузіяй на больш ранні тэрмін, да чэрвеня 2014 года, каб «вызваліць былыя савецкія рэспублікі са сферы ўплыву Масквы і прыцягнуць іх на сваю арбіту».
На гэтым тыдні аб рашэнні выйсці з СНД паведаміла таксама Украіна. 19 сакавіка 2014 дырэктар дэпартамента інфармацыйнай палітыкі ўкраінскага МЗС Яўген Перабійніс заявіў, што Украіна наважыла не працягваць сваё старшынства ў Саюзе незалежных дзяржаў у 2014 годзе.