Генасамблея ААН: Крымскі «рэферэндум» - незаконны
92- 27.03.2014, 19:33
- 79,545
Афіцыйная дэлегацыя Беларусі падтрымала расейскую акупацыю Крыму.
Генеральная асамблея ААН прызнала незаконным рэферэндум у Крыме. За гэтую пастанову прагаласавалі 100 краін.
Такім чынам, ААН фактычна не прызнала далучэнне Крыму да Расеі.
Супраць прагаласавалі 11 чальцоў ААН. Пазіцыю Расеі ў гэтым пытанні падтрымалі Арменія, Беларусь, Балівія, Куба, КНДР, Сірыя, Судан, Зімбабвэ, Венесуэла і Нікарагуа.
Характэрны спіс краін, якія наважылі ўстрымацца. Туды ўвайшлі ўсе арганізатары BRICS - Бразілія, ПАР, Кітай, Індыя. Пастанавілі ўстрымацца таксама Афганістан, Казахстан, Алжыр, В'етнам, Егіпет і Узбекістан і г.д. - агулам 58 краін.
Шэраг удзельнікаў Генасамблеі наважыў і зусім не галасаваць (Таджыкістан, Туркменістан, Кыргызстан, Ізраіль, Сербія).
Нагадаем, раней дыктатар Лукашэнка прызнаў Крым тэрыторыяй Расеі.