Надзея Скардзіна прыйшла трэцяй у спрынце на этапе Кубка свету

Дар'я Домрачава фінішавала 28-й.

Сенсацыйную перамогу на этапе Кубка свету ў славенскай Паклюцы атрымала аўстрыйская біятланістка Катарына Інерхофэр, якая скончыла спрынт без адзінага пудла. За сваю спартыўную кар'еру спартоўка ні разу не трапляла ў дваццатку наймацнейшых, піша sport.mail.ru.

Не менш сенсацыйным вынікам стала «срэбра» расейкі Дар'і Віралайнен - дачкі знакамітай біятланісткі Анфісы Разцовай. Дар'я ў дэбютным для сябе старце Кубка свету адразу здолела ўзлезці на п'едэстал гонару дзякуючы дакладнай стральбе і добрай хадзе на дыстанцыі.

Бронзавую ўзнагароду ў спрынце здабыла беларуская біятланістка Надзея Скардзіна.