Жанчыны Крыма за мір і супраць Пуціна

У Сімферопалі праходзяць антырасейскія мітынгі.

Сотні жанчын з крымска-татарскага масіва Страганаўка на ўскраіне Сімферопаля зладзілі 6 сакавіка акцыю за мір і супраць знаходжання расейскіх войскаў у Крыме.

Як паведамляе «Радыё Свабода», яны сталі ў шэраг ля вакольнай дарогі з украінскімі і расейскімі сцягамі, жоўтымі і блакітнымі паветранымі балонікамі.

Удзельніцы пікету скандавалі «Крым за мір!», «Крым - гэта Украіна!», «Не вайне!», «Пуцін, забяры войскі дадому!».

Жанчыны казалі, што хвалююцца за лёс сваіх мужоў, не хочуць у Расею і просяць кіраўніцтва Расеі не абараняць іх, таму што яны не адчуваюць пагрозы ні ад каго.

Фота: Reuters