Гродзенец стварыў скульптуру зубра з двух «Жыгулёў»
9- 21.04.2014, 13:25
- 11,612
Гэта ўжо другі зубр, сабраны жыхаром вёскі Азёры, што пад Гродна, Раманам.
Першы экземпляр з'ехаў у Італію - зацікаўлены замежнік набыў арыгінальную handmade-скульптуру за 9,5 тысячы. «Другі зубр атрымаўся буйней, - распавёў onliner.by майстар. - На яго стварэнне сышло прыкладна тры гады. Я хачу, каб мая праца на гэты раз засталася ў нашай краіне. Таму знізіў кошт да $8 тысяч».
«Памер скульптуры амаль ідэнтычны натуральнай велічыні жывёлы: 1,7 метра ў велічыню, 2,5 метра ў даўжыню, - удакладніў Раман. - Важыць зубр паўтары тоны. Ён цалкам складаецца з металічных дэталяў і запчастак да аўтамабіляў: амартызатары, спружыны, рысоры, розныя дэталі падвескі аўтамабіляў, дэталі счаплення. Валасы, напрыклад, зробленыя з распушчанага троса. Выкарыстоўваліся дэталі айчыннага аўтапрама - «Жыгулёў». У зубры прыкладна дзве такія машыны».
«Пакуль прыязджаюць толькі паглядзець, прадметных прапановаў да гэтага часу не паступала», - прызнаўся мужчына.