Германія заклікае Кітай націснуць на Расею
4- 22.04.2014, 11:17
- 8,025
Германія выступіла з заклікам да Кітая садзейнічаць ва ўрэгуляванні крызісу вакол Украіны.
З такім заклікам звярнуўся да КНР міністр эканомікі ФРГ Зігмар Габрыэль, перадае DW.
Ён заклікаў Пекін скарыстацца сваімі кантактамі з Масквой.
Габрыэль паспрабуе абмеркаваць гэтую тэму на маючых адбыцца перамовах з прэм'ерам дзяржсавета КНР Лі Кэцянам.
"Вядома, мы папросім кітайцаў памятаць пра сваю вялікую адказнасць на сусветнай арэне і ўмешвацца ў канфлікты накшталт тых, якія мы зараз бачым у Еўропе паміж Украінай і Расеяй", - сказаў міністр.
Па словах Габрыэля, і Кітай, і Расея ў апошні час канстатуюць паляпшэнне двухбаковых стасункаў, і ён спадзяецца, што Пекін скарыстаецца гэтым, каб "растлумачыць Расеі неабходнасць павагі нормаў міжнароднага права і недатыкальнасці межаў".
Кітай павінен спрыяць запуску спарадкаванага міжнароднага перамоўнага працэсу з удзелам усіх бакоў, падкрэсліў нямецкі міністр.
Як вядома, Кітай да апошняга часу пазіцыянаваў сябе ў міжнародных канфліктах сінхронна з Расеяй.
Але ў сітуацыі расейскай агрэсіі супраць Украіны КНР заняла пазіцыю неўмяшання, пастаянна ўстрымліваючыся на галасаваннях ў ААН.
Фота: DPA