Войскі Расеі праводзяць вучэнні ў кіламетры ад мяжы Украіны

Расейскія вайскоўцы праводзяць манеўры на адлегласці аднаго кіламетра ад украінскай мяжы.

Пра гэта заявіў в. а. міністра абароны Украіны Міхаіл Коваль перад пасяджэннем Кабінета міністраў, перадае РБК-Украіна.

"Учора былі пэўныя манеўры паблізу мяжы. Мы на іх рэагавалі... Былі падыходы да дзяржаўнай мяжы на адлегласці аднаго кіламетра", - заявіў ён.

Паводле яго слоў, дзяржаўную мяжу расейскія вайскоўцы не перасякалі. Разам з гэтым Коваль адзначыў, што ўкраінская армія гатовая абараняць радзіму.

Па паведамленні пастаяннага прадстаўніка Украіны пры ААН Юрыя Сяргеева, РФ сканцэнтравала ля мяжы танкі, артылерыю і ўстаноўкі "Град".

Нагадаем, 24 красавіка ўкраінскія сілавікі актывізавалі антытэрарыстычную аперацыю на ўсходзе Украіны. Так, падраздзяленні МУС знішчылі тры блокпоста ў Славянску (Данецкая вобласць), у выніку чаго загінулі пяць сепаратыстаў. У адказ РФ пачала праводзіць актыўныя ваенныя вучэнні ля мяжы з Украінай.

У сваю чаргу в.а. прэзідэнта Украіны Аляксандр Турчынаў заявіў, што Кіеў, нягледзячы на падобныя дзеянні РФ, працягвае антытэрарыстычную аперацыю. Ён таксама заклікаў Расею адвесці войскі ад усходніх рубяжоў Украіны.

Архіўнае фота РІА «Новости»