ВПС і войскі СПА Беларусі правялі новыя вучэнні

Войскі адпрацавалі дзеянні ў выпадку ўзнікнення пазаштатнай сітуацыі.

Беларусь правяла лётныя выпрабаванні паветранай сістэмы кіравання, перадае БелТА.

Падчас выпрабавальных палётаў на борце Іл-76 на мультымедыйных маніторах у рэжыме рэальнага часу адлюстроўвалася паветраная абстаноўка, у тым ліку перамяшчэнне як умоўнай мэты, так і самалёта-знішчальніка. Такім чынам, на борце паветранага судна дзейнічаў камандны штаб, куды сцякалася ўся інфармацыя з наземных радыёлакацыйных станцый.

Як распавялі ў Міністэрстве абароны, дадзеная сістэма кіравання можа таксама, знаходзячыся ў паветры, прымаць дадзеныя з усіх лакацыйных сістэм, у тым ліку самалёта далёкага лакацыйнага выяўлення ВПС Расеі А-50. "Гэтая сістэма дазваляе адсочваць рэальную абстаноўку на зямлі, моры і ў паветры кіраваць як паветранымі судамі, так і наземнымі зенітнымі комплексамі", - распавялі ў Мінабароны. Там дадалі, што дадзеная распрацоўка беларускай вытворчасці.

Нагадаем, на працягу апошніх месяцаў на тэрыторыі Беларусі прайшлі некалькі сумесных з Расеяй ваенных вучэнняў. Частка з іх адбылася каля межаў Украіны.