У баі пад Краматорскам загінулі шэсць украінскіх вайскоўцаў
24- 13.05.2014, 19:57
- 21,990
Калона Узброеных Сіл Украіны была абстраляная з гранатамётаў.
У выніку баявога сутыкнення паміж украінскімі вайскоўцамі і прарасейскімі тэрарыстамі пад Краматорскам Данецкай вобласці загінулі 6 вайскоўцаў, 8 параненыя. Пра гэта паведамляе прэс-служба Мінабароны Украіны.
«На ўскраіне сяла Жоўтневае Славянскага раёна, у 20 км ад Краматорска, падчас руху калона адной з вайсковых частак УС Украіны была цынічна і падступна абстраляная са схованкі. Тэрарысты заатакавалі ўкраінскіх дэсантнікаў з гранатамётаў, вялі шчыльны прыцэльны агонь з стралковай зброі», - гаворыцца ў паведамленні.
Агулам у выніку працяглай сутычкі загінула 6 вайскоўцаў Узброеных Сіл Украіны. 8 атрымалі раны рознай ступені цяжкасці. Адзін цяжка паранены.
Усіх параненых і загінулых эвакуявалі.