Забойца актывіста ў Адэсе затрыманы
13- 2.05.2014, 19:25
- 27,950
Удзельнік прарасейскага мітынгу, які забіў чалавека на акцыі ў Адэсе, затрыманы.
Пра гэта ў камэнтары Цензор.НЕТ заявіў намеснік кіраўніка МУС Украіны Сяргей Чабатар.
Ён адзначыў, што "ўдзельнік украінскага шэсця быў застрэлены з пнэўматычнай зброі. Стралок - затрыманы". "Міліцыя спрабуе стрымаць удзельнікаў праўкраінскага мітынгу і выратаваць ад радыкальных дзеянняў адэсцаў прарасейскіх дзеячаў", - дадаў ён.
Нагадаем, сёння ўдзень прарасейскія ваеўнікі напалі на дэманстрацыю, арганізаваную мясцовым Еўрамайданам. Як мінімум, дзесяць чалавек атрымалі сур'ёзныя раны. Адзін з удзельнікаў дэманстрацыі за адзінства Украіны загінуў ад стрэлу ў галаву. На выгляд яму пад 20 гадоў.
Говорят застрелили в голову. pic.twitter.com/iKpL1UmwAL
— ЄВРОМАЙДАН (@euromaidan) 2 мая 2014
Паводле інфармацыі мясцовых СМІ, у прыватнасці выдання 048, у прыхільнікаў Расеі бачылі не толькі траўматычную, але і стралковую зброю, у тым ліку аўтаматы.