Лідары краін Захаду сустрэнуцца ў Варшаве
2- 7.05.2014, 11:06
- 6,876
У сталіцы Польшчы пройдзе адна з найбуйнейшых сустрэч кіраўнікоў дзяржаў ЕЗ і ЗША.
Свой прыезд на ўрачыстае святкаванне 25-годдзя выбараў у польскі Сейм, якія адбыліся 4 чэрвеня 1989 года, пацвердзілі каля 20 лідараў розных краін. Акрамя прэзідэнтаў ЗША - Барака Абамы, Францыі - Франсуа Аланда, Германіі - Йахіма Гаўка, усіх дзяржаў Цэнтральнай Еўропы і большасці еўрапейскіх краін, чакаецца візіт генеральнага сакратара ААН Пан Гі Муна, а таксама лаўрэатаў Нобелеўскай прэміі міру. Таксама павінна прыбыць дэлегацыя з Украіны, але ў сувязі з напружанай сітуацыяй у краіне і прэзідэнцкімі выбарамі 25 траўня пакуль невядома, які будзе яе склад. Колькасць заявак павялічваецца, асабліва пасля афіцыйнага пацверджання прэзідэнтам ЗША ўдзелу ў варшаўскіх урачыстасцях, піша Gazeta Wyborcza (пераклад - charter97.org).