Пад санкцыі ЕЗ трапяць яшчэ 15 расейцаў
3- 9.05.2014, 17:12
- 9,168
Амбасадары Еўразвяза ў пятніцу, 9 траўня, дасягнулі прынцыповай згоды аб уключэнні ў санкцыйны спіс ЕЗ яшчэ 15 расейцаў.
Таксама туды трапяць пяць кампаній, якія базуюцца ў Крыме. Пра гэта паведамляе Reuters са спасылкай на сваю крыніцу ў Брусэлі.
Канчатковае рашэнне аб пашырэнні спісу расейцаў, супраць якіх увядуць санкцыі, павінны прыняць міністры замежных спраў краін ЕЗ, якія збяруцца ў Брусэлі ў панядзелак, 12 траўня, піша Lenta.ru.
29 красавіка Еўразвяз апублікаваў свой новы санкцыйны спіс, у які ўвайшлі 15 чалавек. Ім забаронены ўезд на тэрыторыю ЕЗ, а рахункі ў краінах звяза, калі такія ёсць, замарожаныя. У спісе значацца віцэ-прэм'ер Дзмітрый Козак, намеснікі старшыні Дзярждумы Сяргей Нявераў і Людміла Швяцова, начальнік Генштаба Узброеных сіл Расеі Валерый Герасімаў, паўпрад прэзідэнта ў Крымскай федэральнай акрузе Алег Белавенцаў, міністр па справах Крыма Алег Савельеў, выконваючы абавязкі губернатара Севастопаля Сяргей Мяняйлаў.
Акрамя таго, пад санкцыі падпалі дырэктар Галоўнага выведвальнага ўпраўлення Генштаба Ігар Сяргун і член Савета Федэрацыі ад Рэспублікі Крым Вольга Кавітідзі.
У спіс таксама ўвайшлі шэраг верхаводаў сепаратыстаў.