ЗША, Францыя і ФРГ заявілі пра новыя санкцыі супраць РФ
47- 21.06.2014, 9:54
- 59,903
Расею чакаюць новыя санкцыі з прычыны агрэсіі на ўсходзе Украіны.
Пра гэта папярэдзілі лідары Злучаных Штатаў Амерыкі, Францыі і Германіі, піша РБК. Напярэдадні прэзідэнт ЗША Барак Абама правёў тэлефонныя перамовы з французскім лідарам Франсуа Аландам і канцлерам ФРГ Ангелай Меркель, паведаміла прэс-служба Белага дома.
Бакі прыйшлі да пагаднення, што "калі Расія не распачне неадкладныя канкрэтныя крокі ў дээскалацыі сітуацыі ва ўсходняй Украіне", Злучаныя Штаты і Еўрапейскі звяз прымуць дадатковыя санкцыйныя меры.
Абама, Аланд і Меркель віталі абвешчанае прэзідэнтам Украіны Пятром Парашэнкам сямідзённае перамір'е ў зоне канфлікту.
Нагадаем, у пятніцу Парашэнка абвясціў аб аднабаковым спыненні баявых дзеянняў на ўсходзе Украіны. Гэта робіцца для таго, каб апалчэнцы "маглі скласці зброю, а тыя, хто гэтага не зробіць, будуць знішчаныя", папярэдзіў прэзідэнт. У ноч на 21 чэрвеня прэс-служба Парашэнкі апублікавала ўказ аб мірным урэгуляванні канфлікту. Паводле тэксту дакумента, "мірны план" уступіў у сілу. План Парашэнкі ўключае ў сябе 15 пунктаў, у тым ліку раззбраенне, вызваленне закладнікаў, дэцэнтралізацыю ўлады, датэрміновыя выбары ў парламент і мясцовыя органы ўлады.