Беларусам дазволілі ездзіць без віз у Эквадор
39- 21.06.2014, 18:29
- 16,875
Уладзімір Макей наведаў з афіцыйным візітам Эквадор.
Пра гэта паведамляе прэс-служба МЗС.
Уладзімір Макей правёў сустрэчу з віцэ-прэзідэнтам Эквадора Хорхе Гласам, падчас якой перадаў асабістае пасланне Лукашэнкі на адрас кіраўніка краіны Рафаэля Карэа Дэльгада. У сустрэчы таксама прымалі ўдзел кіраўнікі шэрагу ключавых эквадорскіх міністэрстваў, зацікаўленых у нарошчванні двухбаковага супрацоўніцтва з Беларуссю.
У прысутнасці віцэ-прэзідэнта кіраўнікі міністэрстваў замежных спраў падпісалі пагадненне аб бязвізавых паездках грамадзян Беларусі і Эквадора.
Падчас сустрэчы з міністрам замежных спраў Эквадора Рыкарда Паціньё Арока ў вузкім складзе абмеркаваныя пытанні развіцця палітычных кантактаў, у тым ліку на вышэйшым узроўні.
Суразмоўцы выказалі ўпэўненасць у тым, што новую дынаміку двухбаковаму ўзаемадзеянню нададуць нядаўняе адкрыццё амбасады Беларусі ў Эквадоры, а таксама адкрыццё амбасады Эквадора ў Беларусі, што мае адбыцца ў бліжэйшы час. Міністры падрабязна абмеркавалі сітуацыю ў еўрапейскім рэгіёне, у Цэнтральнай і Лацінскай Амерыцы, пытанні ўмацавання ўзаемадзеяння на міжнароднай арэне з улікам давернага характару адносін паміж дзвюма краінамі.