У Краснадарскім краі ўпаў верталёт Мі-2

Верталёт упаў у раёне населенага пункта Старамаўрынскі Гулькевічскага раёна Краснадарскага краю.

Пра гэта паведамляе МНС Расеі.

Аварыя адбылася падчас сельскагаспадарчых работ. Пасля падзення верталёт загарэўся, але пажар ліквідавалі, паведамляе РБК.

Паводле звестак МНС, на зямлі ахвяр і разбурэнняў няма. "Вядуцца пошукі пілота", - удакладнілі ў ведамстве.

Падчас аварыі пацярпелі двое чалавек. "Паводле папярэдніх звестак, у выніку крушэння верталёта пацярпелі два чалавекі, яны шпіталізаваныя. Загінулых няма", - заявіў агенцтву аператыўны дзяжурны. Гаворка ідзе аб пілотах, якія знаходзіліся ў кабіне верталёта, удакладніў прадстаўнік Паўднёвага рэгіянальнага цэнтра МНС. Паводле ягоных слоў, мясцовыя жыхары даставілі пацярпелых у лякарню.

Фота: ІТАР-ТАСС