Беларускае войска атрымае на ўзбраенне беспілотнікі «Грыф-1»

Дзяржвыпрабаванні комплексу з беспілотнікам "Грыф-1" цяпер заканчваюцца.

Дзяржаўныя выпрабаванні комплексу беспілотнай паветранай разведкі і назірання з беспілотнікам самалётнага тыпу "Грыф-1", вытворчасці 558-га авіяцыйнага рамонтнага завода (558-й АРЗ, Беларусь) закончацца да сярэдзіны лета гэтага года.

Пра гэта паведаміў "Інтэрфаксу-АВН" намеснік дырэктара ў развіцці прадпрыемства Павел Пінігін.

"Цяпер заканчваюцца дзяржаўныя выпрабаванні комплексу з беспілотнікам "Грыф-1". Іх заканчэнне чакаецца ў канцы чэрвеня або пачатку ліпеня гэтага года", - сказаў Пінігін.

Паводле ягоных слоў, пастанова аб прыняцці на ўзбраенне беларускім войскам беспілотнага комплексу будзе прынятая ў трэцім-чацвёртым кварталах 2014 года. "З 2015 года магчымыя закупкі гэтых комплексаў у інтарэсах Мінабароны Беларусі", - адзначыў суразмоўца агенцтва.

Ён паведаміў, што мадэрнізацыя беспілотніка "Грыф-1" праводзіцца ў інтарэсах павелічэння далёкасці і працягласці палёту. "Плануецца павялічыць працягласць палёту "Грыф-1" з 4 да 6-8 гадзін", - удакладніў Пінігін.

Што да новых распрацовак 558-га АРЗ, П.Пінігін адзначыў, што цяпер распрацоўваецца беспілотнік меншай стартавай масы, чым "Грыф-1".

"Фактычна палегчаны беспілотнік гатовы, праводзяцца работы бартавога абсталявання. Яго стартавая маса будзе 120-130 кг, у той час як у "Грыф-1" яна складае 150-170 кг", - сказаў Пінігін.

Беспілотнік "Грыф-1" створаны па двухбальнай схеме з рухавіком унутранага згарання. Узлёт і пасадка апарата выконваюцца як з дапамогай катапульты, так і па-самалётнаму. Кіраванне палётам можа праводзіцца паводле каардынат, перадавацца з зямлі, і паводле загадзя складзенага маршруту. Беспілотнік здольны выконваць задачы днём і ноччу ў розных кліматычных умовах.