Сечын не пакатаецца на матацыкле ў ЗША праз санкцыі
30- 27.06.2014, 19:01
- 10,774
Прэзідэнт НК «Раснафта» заявіў, што адкладае планаванае падарожжа па ЗША на матацыкле праз уведзеныя ў дачыненні да яго санкцыі.
Пры гэтым Ігар Сечын адзначыў, што ўжо некалькі разоў наведваў Штаты.
«Добрая краіна. <...> Хацеў пракаціцца на матацыкле па дарогах ЗША. Але адкладу гэтую паездку», - заявіў кіраўнік «Раснафты» прадстаўнікам СМІ, паведамляе «Інтэрфакс».
Ён таксама адзначыў, што санкцыі пазбаўляюць яго і іншых магчымасцяў.
«У мяне няма маёмасці ў ЗША, няма рахункаў. Але санкцыі не даюць мне магчымасці вывучыць прыгажосць іх прыроды, вывучыць іх культуру, паказаць сваім дзецям іх прыроду. Я хацеў пракаціцца на матацыкле па Амерыцы... Я займаўся развіццём эканамічных сувязяў з ЗША, калі санкцыі - гэта іх адказ на мае дзеянні, то я гэтага не разумею!»- падкрэсліў Сечын.
Сечын быў уключаны ў санкцыйны спіс у сувязі з пазіцыяй Расеі да Крыма і Украіны.