Кватэры на дзень пачнуць здаваць на доўгі тэрмін

Іншага выхаду ў прадпрымальнікаў не застаецца.

Так пракаментавала сайту charter97.org магчымую забарону кароткачасовай арэнды жылля ў Менску прыватная прадпрымальніца Іна.

- Вы здаяце кватэры на дзень. А сёння ва ўрадзе загаварылі пра магчымую забарону гэтага віду дзейнасці з нерухомасцю. Што вы будзеце рабіць?

- Будзем здаваць кватэры на працяглы тэрмін, а што яшчэ рабіць?

- Як вы думаеце, навошта дзяржава наважыла пайсці на такі крок?

- Тое, што гэта забараняюць, парушае ўсе правы. У мяне, як у грамадзяніна, ёсць ўласнасць. Я маю права яе здаваць. Я плачу падаткі, я нічога не парушаю! Тое, што мне гвалтоўна хочуць гэта забараніць - гэта, вядома, вельмі дрэнна. 600 тысяч прадпрымальнікаў, усе плацяць падаткі, столькі казна атрымлівае грошай у бюджэт - і гэта ўсё спыніць адным махам? Гэта не разумна.

Сталічныя рыэлтарскія агенцтвы адмовіліся каментаваць сітуацыю журналісту charter97.org.

Нагадаем, сёння стала вядома аб тым, што інспекцыя падаткаў і збораў Менска збіраецца распрацаваць пытанне аб спыненні ў сталіцы такога віду дзейнасці як падзённая здача кватэр.