Загінулы расейскі аператар апынуўся нелегалам
30- 1.07.2014, 12:42
- 29,094
У пашпарце загінулага пры штурме вайсковай часткі ў Ясінавацкім раёне Данецкай вобласці расейскага аператара Анатоля Кляна адсутнічае адзнака аб перасячэнні мяжы.
Пра гэта паведамляе «Востраў» са спасылкай на крыніцу ў праваахоўных органах.
Аператар расейскага «Першага канала» атрымаў пранікальнае раненне брушной паражніны, знаходзячыся ў раёне вайсковай часткі каля пасёлка Опытнае Ясінавацкага раёна Данецкай вобласці. Журналіст, 1946 года нараджэння, памёр падчас рэанімацыйных мерапрыемстваў у гарадской лякарні №18 у Данецку.
«Адзнака аб перасячэнні мяжы ў пашпарце Анатоля Кляна адсутнічае», - сказаў суразмоўца выдання.
Прывезлі журналістаў у зону баёў тэрарысты ДНР. Журналіст Forbes Расея Архан Джэмаль напісаў у сваім рэпартажы «Пазыўны «Гюрза»: хто падставіў журналістаў пад кулі ў Данецку», што Клян загінуў падчас штурму вайсковай часткі ў Данецку праз наўмысную правакацыю баевікоў ДНР.
Пасля гібелі Кляна МЗС Расеі абвінаваціла Украіну ў мэтанакіраваным пераследзе журналістаў з ужываннем мэтанакіраваных абстрэлаў, фізічнай расправы, катаванняў.