Мікрапазыку на закупы можна будзе ўзяць толькі ў ламбардзе

Дзейнасць мікрафінансавых арганізацый рэгламентаваная ў Беларусі.

Адпаведны ўказ №325 "Аб прыцягненні і выдачы пазык, дзейнасці мікрафінансавых арганізацый" Аляксандр Лукашэнка падпісаў 30 чэрвеня, паведамілі ў прэс-службе беларускага правадыра.

"Указ прадугледжвае ўдасканаленне парадку дзейнасці для рэгулярнага прыцягнення і выдачы пазык, фармаванне ўмоў для далейшага развіцця прадпрымальніцтва і дзелавой ініцыятывы шляхам укаранення дадатковых інструментаў фінансавання і накіраваны на абарону правоў паслуг спажыўцоў, што выконваюцца мікрафінансавымі арганізацыямі", - праінфармавалі ў прэс-службе.

З 1 студзеня 2015 гэтую дзейнасць змогуць праводзіць толькі мікрафінансавыя арганізацыі - ламбарды, спажывецкія кааператывы фінансавай узаемадапамогі, таварыствы ўзаемнага фінансавання суб'ектаў малога і сярэдняга прадпрымальніцтва, фонды.

Мікрпазыкі для фізічных асоб на спажывецкія мэты змогуць выдаваць толькі ламбарды і выключна пад заклад рухомай маёмасці, прызначанай для асабістага, сямейнага або хатняга выкарыстання. У выпадку незвароту мікрапазыкі заклад падлягае продажу. Пры гэтым у адпаведнасці з Цывільным кодэксам нават пры недастатковасцi грашовых сродкаў, выручаных ад продажу закладу, абавязанні пазычальніка перад ламбардаў будуць разглядацца, як выкананыя.

Мікрапазыкі на мэты развіцця прадпрымальніцкай дзейнасці выдаюцца мікрафінансавым арганізацыям(акрамя ламбардаў) асобам, якія з'яўляюцца ўласнікамі маёмасці, заснавальнікамі (удзельнікамі) камерцыйных арганізацый, рамеснікам, асобам, якія вядуць асабістую падсобную гаспадарку, а таксама суб'ектам аграэкатурызму, малога і сярэдняга прадпрымальніцтва.

Гранічная сума мікрапазыкі складае 15 тысяч базавых адзінк. Тэрмін мікрапазыкі, пры якім даецца льгота ў выплаце падаходнага падатку; не абмяжоўваецца.

"Спажывецкія кааператывы фінансавай узаемадапамогі могуць стварацца фізічнымі асобамі, якім у адпаведнасці з указам даецца права на атрыманне мікрапазыкі для развіцця іх прадпрымальніцкай ініцыятывы. Такім чынам, спажывецкі кааператыў фінансавай узаемадапамогі будзе ўяўляць сабой добраахвотнае аб'яднанне рамеснікаў, фермераў, суб'ектаў аграэкатурызму, асоб, якія займаюцца асабiстай падсобнай гаспадаркай, а таксама ўласнікаў маёмасці, заснавальнікаў (удзельнікаў) камерцыйных арганізацый для надання фінансавай узаемадапамогі чальцам гэтага кааператыва шляхам выдачы мікрапазык", - адзначылі ў прэс-службе.

Для вядзення дзейнасці рэгулярнай выдачы мікрапазык гэтыя арганізацыі павінны быць уключаныя ў рэестр мікрафінансавых арганізацый, які будзе весці Нацыянальны банк, а іх кіраўнікі адпавядаць прадугледжаным патрабаванням да кваліфікацыі і дзелавой рэпутацыі.

Акрамя таго, ва ўказ уключаныя нормы, якія забяспечваюць абарону правоў спажыўцоў паслуг (фізічных асоб) мікрафінансавых арганізацый. У прыватнасці, Нацыянальнаму банку дадзенае права разглядаць звароты спажыўцоў і накіроўваць мікрафінансавым арганізацыям загады аб ліквідацыі парушэнняў правоў спажыўца.

Праблема з МФА ў Беларусі паўстала праз папулярнасці так званых "крэдытаў на ежу", калі беларусы пазычалі грошы у нябанкаўскіх арганізацый пад тысячы адсоткаў гадавых на кароткі тэрмін. Часцяком такі крэдыт мог узяць кожны без даведак, дакументаў і паручальнікаў, не задумваючыся пра наступствы.