Нацбанк не вымыкае друкарскі варштат

Нацыянальны банк Беларусі працягвае друкаванне грошай.

Сума шырокай грашовай масы (ШГМ) у Беларусі на 1 ліпеня 2014 года склала Br217 387 трлн, павялічыўшыся на 12,5% з пачатку года, паведамляецца ў статыстычнай справаздачы Нацыянальнага банка, піша АФН.

У чэрвені ШГМ вырасла на 3,5% пасля росту на 1,8% у траўні. Сума гатовых грошай у абарачэнні (грашовы агрэгат M0) склаў на 1 ліпеня 2014 года Br13 563 трлн, павялічыўшыся на 10,3% за студзень-чэрвень 2014 года. У чэрвені паказчык знізіўся на 5,1%.

Актыўная рублёвая грашовая маса (грашовы агрэгат M1), якая ўключае гатовыя грошы і бягучыя рублёвыя ўклады ў банках - склала Br40 249 трлн, павялічыўшыся на 8,5% у студзені-чэрвені (у тым ліку на 9,3% у чэрвені).

Рублёвая грашовая маса (грашовы агрэгат М2), якая акрамя агрэгата М1 уключае тэрміновыя рублёвыя дэпазіты, сродкі насельніцтва і юрыдычных асоб у рублёвых каштоўных паперах, у студзені-чэрвені вырасла на 11,7% і на 1 ліпеня склала Br88 629 трлн (за чэрвень паказчык вырас на 5,2%).

У тым ліку сума тэрміновых рублёвых дэпазітаў склала Br46 743 трлн, павялічыўшыся на 15,7% за студзень-чэрвень (у чэрвені рост склаў 2,4%). Пераводныя дэпазіты на 1 ліпеня склалі Br26 685 трлн, павялічыўшыся на 7,6% за студзень-чэрвень (у чэрвені рост склаў 11,6%).

Грашовы агрэгат М2 - грашовая маса ў нацыянальным вызначэнні (з якога выключаныя сродкі насельніцтва і юрыдычных асоб у рублёвых каштоўных паперах) - на 1 ліпеня 2014 склаў Br86, 992 трлн, павялічыўшыся на 12,3% з пачатку года (у тым ліку на 5,5% у чэрвені).

Рублёвы эквівалент валютных дэпазітаў у студзені-чэрвені вырас на 11,7% (у траўні рост на 2,5%) і на 1 ліпеня склаў Br120,012 трлн.