У Данецку адключылі ўсе ўкраінскія каналы
2- 15.07.2014, 19:17
- 8,964
Тэрарысты адключылі ў Данецку трансляцыю ўсіх украінскіх тэлеканалаў.
Пра гэта распавёў прадстаўнік Інфармацыйнага цэнтра РНБА Андрэй Лысенка.
«У Данецку адключылі ўсе ўкраінскія каналы, на жаль», - цытуе ягоныя словы «Радыё Свабода».
Адначасова, паводле звестак РНБА, у вызваленых ад баевікоў Славянску і Краматорску аднавілі трансляцыю «Першага нацыянальнага» і «5 канала».
Нагадаем, Нацыянальная рада Украіны ў пытаннях тэлевізіі і радыёвяшчання паводле стану на 14 ліпеня выявіла 72 правайдэры праграмных паслуг, якія незаконна рэтранслююць расейскія тэлеканалы ў Данецкай і Луганскай абласцях.
25 сакавіка 2014 была прынятая пастанова Кіеўскага акруговага адміністрацыйнага суда аб прыпыненні трансляцыі на тэрыторыі ўсёй Украіны тэлеканалаў «НТВ Мір», «РТР Планета» і «Першы канал. Сусветная сетка» ва ўсіх пакетах украінскіх правайдэраў.