Рэнан Брэсан можа прадоўжыць кар'еру ў Партугаліі
2- 30.07.2014, 11:05
- 5,836
25-гадовы бразілец з беларускім пашпартам адправіўся ў Партугалію.
У сераду Рэнан Брэсан, скасаваўшы сёння кантракт з казахстанскай «Астаной» паводле ўзаемнай згоды старон, адправіцца ў Партугалію.
Там бліжэйшымі днямі яго чакаюць перамовы з адным з клубаў элітнай лігі, піша «Прессбол».
Рэнан Брэсан перайшоў у «Астану» ўзімку з «Рэйнджэрса», у складзе якога ён прабыў крыху больш за тыдзень. У мінулым сэзоне ён быў у «Аланіі», а да гэтага выступаў за беларускія БАТЭ і «Гомель».
У «Астане» Брэсан так і не здолеў атрымаць давер трэнера, і правёў толькі 5 матчаў у прэм'ер-лізе, пры гэтым забіўшы адзін гол. Кіраўніцтва сталічнага клуба наважыла выняць з заяўкі свайго зорнага паўабаронцу.