Чытач з Мазыра: Чаму кантралёры ў транспарце выпісваюць штраф алоўкам?

Супрацоўнікі кантрольна-рэвізорнай службы «Гомельаблпасажыртранса» ў гарадскім транспарце Мазыра запаўняюць дакументы алоўкам.

Чытач сайта charter97.org звярнуў увагу на дзіўныя паводзіны кантралёраў у грамадскім транспарце Мазыра. Работнікі кантрольна-рэвізорнай службы выпісваюць штрафы алоўкам. На думку чытача, гэта дае магчымасць кантралёрам частку прыбытку ад штрафаў забіраць сабе.

«Тут вялікага розуму не трэба, каб зразумець. Рэвізоры пішуць алоўкам у пратаколе. - распавёў Павал. - Так, я ведаю, што такое адбываецца ў Беларусі ўсюды».

У пацверджанне сваіх слоў чытач даслаў відэа, на якім відаць, што кантралёр запаўняе алоўкам квітанцыю на штраф за безбілетны праезд і кажа «зайцу»: «прынесці штраф у канцы змены». Падчас здымкі гэтага відэа, работнікі кантрольна-рэвізорнай службы нервуюцца і патрабуюць прыбраць камеру.

«Чытайце законы. Вы на працоўным месцы, а значыць, я маю права вас здымаць!» - мяркуе чытач.

Нарэшце жанчына-кантралёрка згаджаецца паказаць сваё пасведчанне, закрыўшы яго праз секунду, адштурхвае аператара і пакідае аўтобус, а яе напарнік наогул адмаўляецца «паказваць на камеру».

«Шукайце гэтае відэа на Хартыі'97», - кажа ў канцы відэа Павел. Рэвізоры ў адказ пагражаюць выклікаць міліцыю.

Калі вы сутыкнуліся з фактамі карупцыі або парушэння вашых правоў, дасылайце фота-і відэасведчанні на наш адрас charter97@gmail.com. Мы пастараемся надаць гэтым фактам публічнасць.