Жыхар Полацка, пагражаючы пісталетам, спрабаваў абрабаваць краму
5- 7.07.2014, 15:23
- 9,302
У Полацку ўчынены разбойны напад на краму.
Як паведамляецца на сайце УУС Віцебскага аблвыканкама, у адную з полацкіх крам, размешчаную на вуліцы Дзяржынскага, позна ўвечары, перад самым закрыццём зайшоў наведвальнік. Неспяшаючыся набраў прадуктаў, і, паклаўшы іх у мяшок, сабраўся сыходзіць. Калі прадавачка папрасіла аплаціць, той выхапіўшы і наставіўшы на работніцу прадмет падобны да пісталета, запатрабаваў яшчэ ў дадатак і гарэлку.
Бачачы перад сабой узброенага злачынцу, а ў краме акрамя іх нікога не было, прадавачка, не разгубілася, з крыкам выскачыла з яе, хутка замкнуўшы дзверы на ключ.
Крыкі аб дапамозе пачулі супрацоўнікі полацкага аддзела дэпартамента аховы, якія праязджалі паўз яе. Імгненна спыніўшы аўтамабіль, яны падскочылі да жанчыны. Тая патлумачыла, што яна замкнула ў краме хлопца з пісталетам. Той ад лютасці кідаўся па крамцы, выпускаючы праклёны ў адрас прадавачкі.
Разбойніка затрымалі, ім быў жыхар Полацка, які пражывае недалёка ад крамы, ён меў і пнеўматычны пісталет. Як высветлілася, ён раней быў судзімы за рабаванне, а цяпер дадасца і разбой.