Тэрарыстка з Барысава жывая і пагражае Хартыі (Відэа)
222- 29.08.2014, 21:11
- 128,320
Беларуская тэрарыстка, што ваюе на баку так званай ДНР, запісала відэазварот.
У дзесяціхвілінным роліку відавочна неадэкватная Наталля Красоўская паведамляе аб тым, што яна жывая, «пайшла з атрада», «працуе адна» і збіраецца помсціць.
Прыводзім вытрымкі з яе заблытанага аповеду.
«Я зняла з формы беларускі сцяг, я больш не хачу яго насіць. Мне перастаў падабацца мой прэзідэнт, таму што ён падтрымлівае Парашэнку. У інтэрнэце я прачытала пра тое, што чамусьці беларускія нацыяналісты вельмі хочуць маёй смерці. Я дам ім магчымасць, некаторым з іх, сказаць мне гэта ў твар. Я сышла з атрада, цяпер я працую аднац, - кажа тэрарыстка.
«А, бацька? Мне стаць наймітам і тэрарыстам? Ці ты што-небудзь выправіш з нагоды мяне?» - кажа загадкамі не зусім адэкватная ўдзельніца тэрарыстычнай арганізацыі.
«У мяне больш няма ні сцяга, ні радзімы. Так, мяне назвалі тэрарыстам і наймітам», - прызнаецца Наталля Красоўская і кажа пра тое, што будзе і далей забіваць.
Не забылася тэрарыстка «перадаць прывітанне» рэдакцыі і чытачам нашага сайта. Не зусім зразумела, пра які лагеры на тэрыторыі Украіны яна кажа, магчыма, гэта размяшчэнне атрада добраахвотнікаў з Беларусі «Пагоня», якія збіраюцца дапамагчы ўкраінцам ачысціць Данбас ад агрэсараў.
«Таварышам з Хартыі з бел-чырвона-белым сцягам, якія... і чый лагер недалёка ад Берасцейскай вобласці на тэрыторыі Украіны, я хачу сказаць вось што. Я зраблю ўсё, каб у вашым атрадзе (цяжка разабраць яе гаворку - заўв. Charter97 .org) былі нашы хлопчыкі», - кажа былая барысаўчанка.
Нагадаем, 26 жніўня ў сетцы з'явіліся фатаграфіі разбітай калоны прарасейскіх тэрарыстаў. На адной з фота інтэрнэт-карыстальнікі знайшлі труп, падобны на скандальна вядомую жыхарку Барысава Наталлю Красоўскую. Дзяўчына з Барысава стала вядомая дзякуючы скандальным інтэрв'ю, у якіх прызнавалася, што яна - снайперша і прыехала забіваць украінцаў.