ЕЗ узгадніў новыя санкцыі супраць РФ: пад ударам - фінансы і «абарона»

Санкцыі будуць уведзеныя ўжо ў панядзелак.

Камітэт пастаянных прадстаўнікоў краін ЕЗ прыйшоў да згоды ў дадатковых абмежавальных мерам у дачыненні да Расеі, што абмяркоўваліся ў пятніцу, паведамляе "Интерфакс" са спасылкай на крыніцу ў інстытутах ЕЗ у Бруселі. «Пастаянныя прадстаўнікі ўзгаднілі пакет. Цяпер трэба будзе пастанова на ўзроўні Рады ЕЗ. Яна будзе ў пачатку наступнага тыдня, як і афіцыйная публікацыя», - сказала крыніца агенцтва.

Як і чакалася, адзначыў ён, «гаворка ідзе аб мерах у галіне фінансавых рынкаў, абароннай прамысловасці, тавараў падвойнага прызначэння і адчувальных тэхналогій».

З ягоных слоў, дасягнутая дамоўленасць аб пашырэнні санкцыйнага спісу на асобы, якія падтрымлівалі стасункі з сепаратыстамі ў Данецку, гэта было даручана Еўрапейскім Радам, піша NEWSru.com.

Так, некаторыя краіны настойваюць на ўключэнні міністра абароны РФ Сяргея Шайгу ў спіс асобаў, якім забаронены ўезд у Еўразвяз і чые актывы ў ЕЗ павінны быць замарожаны. Іншая крыніца паведаміў ИТАР-ТАСС аб тым, што ЕЗ можа распаўсюдзіць санкцыі супраць Расеі на «Газпромбанк» і «Газпром Нефть».

Пры прыняцці ў панядзелак новых санкцый краінам ЕЗ не трэба будзе склікаць новую міністэрскую сустрэчу для іх ўвядзення ў дзеянне. Яны могуць быць зацверджаныя простай тэхнічнай пастановай на пасяджэнні Камітэта пастаянных прадстаўнікоў Еўразвязу.

Нагадаем, раней паведамлялася, што пасля таго, як украінскія ўлады і прадстаўнікі сепаратыстаў дамовіліся аб спыненні агню, Еўрапейскі звяз пастанавіў пачакаць з увядзеннем санкцый супраць Расейскай Федэрацыі. Як заявіў прэм'ер-міністр Італіі Матэа Рэнца, сябры ЕЗ развяжуць гэтае пытанне цягам трох дзён, прычым увядзенне санкцый наўпрост залежыць ад становішча на паўднёвым усходзе Украіны.

«Пастанова крызісу на Украіне і магчымая адмена санкцый цяпер у руках Расеі. Я спадзяюся, што Пуцін сапраўды хоча пакласці канец сутыкненням і замаху на суверэнітэт, - заявіў Рэнца. - Спадзяюся і думаю, што мудрасць пераможа, у тым ліку таму, што на геапалітычным узроўні мы маем патрэбу ў Расеі, якая цалкам інтэграваная з міжнароднай супольнасцю».

Прэзідэнт Францыі Франсуа Аланд паводле вынікаў саміту NATO ва Уэльсе, заявіў аднак, што санкцыі не будуць зняты з РФ, «пакуль не будуць атрыманыя пацверджанні спынення агню і пачатку палітычнага дыялогу на Украіне». Прэм'ер-міністр Вялікабрытаніі Дэвід Кэмеран вітаў пастанову старон канфлікту на Украіне спыніць агонь і заявіў, што санкцыі будуць доўжыцца, пакуль на Украіне канчаткова не запануе мір. Ён падкрэсліў, што ЕЗ не ўхваліць падзел Украіны.

Канцлер ФРГ Ангела Мэркель пацвердзіла словы сваіх калегаў, заявіўшы, што Еўразвяз адкладзе прыняцце новых санкцыяў у дачыненні да Расеі, калі рушыць услед дээскалацыя.

Прэзідэнт ЗША Барак Абама на прэс-канферэнцыі паводле вынікаў саміту заявіў, што санкцыі нават могуць быць знятыя, калі на ўсходзе Украіны ўсталюецца працяглае перамір'е.

Адказваючы на пытанне, ці адмовіцца Захад ад новых абмежавальных мер, калі спыненне агню стане рэальнасцю, Абама сказаў, што сама дамова аб гэтым стала вынікам санкцый.

Нагадаем, што на сустрэчы кантактнай групы ў Менску 5 верасня прадстаўнікі самаабвешчаных Данецкай і Луганскай народных рэспублік і ўкраінскіх уладаў падпісалі пратакол аб спыненні агню на Данбасе з 18:00 5 верасня. Была дасягнутая дамоўленасць у трох пытаннях - спыненне агню і адвод войскаў, абмен палоннымі і надаванне дапамогі.

Кіраўнікі Еўрарады і Еўракамісіі Хэрман ван Рампей і Жазэ Мануэл Барозу накіравалі ўвечары ў пятніцу ліст сябрам Еўрапейскай Рады, у якім праінфармавалі іх аб выкананні даручэння саміту ЕЗ ад 30 жніўня - узгадненні пакета дадатковых санкцый у дачыненні да Расеі.

«Мы плануем прыняць афіцыйна гэты пакет шляхам пісьмовай працэдуры ў панядзелак», - гаворыцца ў лісце ван Ромпея і Барозу.

Яны паінфармавалі кіраўнікоў дзяржаў і ўрадаў 28 краін ЕЗ аб тым, што ў адпаведнасці з даручэннем Еўрапейскай Рады Еўракамісія і Еўрапейскай замежнапалітычнай службай падрыхтавалі, а Камітэт пастаянных прадстаўнікоў краін ЕЗ узгадніў набор узмоцненых абмежавальных мер, звязаных з доступам да рынкаў капіталу, з абароннай прамысловасцю, таварамі падвойнага прызначэння і адчувальнымі тэхналогіямі.

Акрамя таго, падрыхтаваны новы санкцыйны спіс асобаў, якія ўключаюць прадстаўнікоў кіраўніцтва самаабвешчанай Данецкай народнай рэспублікі, урада Рэспублікі Крым і расейскіх кіраўнікоў і бізнэсоўцаў, адзначаецца ў лісце.

Ван Рампей і Барозу паведамляюць, што выбар і ацэнка варыянтаў разглядаліся паводле тых жа крытэраў, што і меры другога раунда эканамічных санкцый: эфектыўнасць, кошт, баланс паміж сектарамі і дзяржавамі-сябрамі, прававая абароненасць, прастата прымянення і іншыя.

Кіраўнікі ЕЗ удакладняюць, што пакет санкцый, узгоднены ў ліпені, быў сфарміраваны такім чынам, каб пры неабходнасці яго можна было пашырыць у магчымай прапорцыі ў чатырох сектарах: рынак капіталаў, абарона, тавары двайнога прызначэння і адчувальныя тэхналогіі. На іх думку, новы пакет абмежавальных мер, ухвалены Камітэтам пастаянных прадстаўнікоў, дае Еўразвяз эфектыўны інструмент, які дазволіць рэагаваць на падзеі цягам кароткага часу.

«Ён павысіць эфектыўнасць ужо уведзеных мер», - адзначаецца ў лісце.

Як мяркуюць у Брусэлі, гэты пакет таксама ўмацуе прынцып, які заключаецца ў тым, што санкцыі ЕЗ накіраваныя на садзейнічанне змены курсу Расеі, які праводзіцца ва Украіне.