МЗС РФ пагражае краінам ЕЗ
17- 6.09.2014, 12:42
- 23,679
Масква адкажа на новыя санкцыі Еўразвязу, якія неадкладна будуць уведзеныя ўжо 8 верасня.
Пра гэта гаворыцца ў паведамленні Міністэрства замежных спраў Расеі.
"Што да новага спісу санкцый з боку ЕЗ, то ў выпадку, калі яны будуць прынятыя, то рэакцыя з нашага боку, безумоўна, рушыць услед", - гаворыцца ў паведамленні.
Нагадаем, Камітэт сталых прадстаўнікоў краін ЕЗ прыйшоў да згоды аб дадатковых абмежавальных захадах, што абмяркоўваліся ў пятніцу ў дачыненні да Расеі, паведамляе "Інтэрфакс" са спасылкай на крыніцу ў інстытутах ЕЗ у Брусэлі. "Сталыя прадстаўнікі ўзгаднілі пакет. Цяпер трэба будзе пастанова на ўзроўні Рады ЕЗ. Яна будзе ў пачатку наступнага тыдня, як і афіцыйная публікацыя", - сказала крыніца агенцтва.