У Гарадзенскай вобласці забаранілі ўсе пікеты за бязвізавыя паездкі ў Польшчу
3- 9.09.2014, 14:22
- 5,644
Улады забаранілі 13 пікетаў за малы памежны рух.
У Гарадзенскай вобласці мясцовыя актывісты аргкамітэта ў стварэнні партыі "Беларуская Хрысціянская Дэмакратыя" падалі 14 заявак на пікеты ў падтрымку ўвядзення малога памежнага руху з Польшчай.
Пра гэта charter97.org паведамілі ў прэс-службе БХД.
Аднак правядзенне 13 пікетаў было забароненае. Толькі ў Воранаўскім раёне пікет дазволілі, паставіўшы папярэдняй умовай падпісанне дамоваў з міліцыяй і медыкамі, што фактычна таксама з'яўляецца забаронай, бо апошнія без афіцыйнага дазволу пікету падпісваць дамовы адмаўляюцца.
Як паведаміў гарадзенскі абласны каардынатар БХД Мікалай Баўсюк, актывісты збіраюцца абскардзіць забароны.