Менчукі правялі «хросны ход цвярозасці»
3- 1.01.2015, 19:40
- 7,776
1 студзеня 2015 года прайшоў праваслаўны хросны ход цвярозасці.
У першую раніцу 2015 каля сталічнага прыхода ў гонар іконы Божай Маці «Неўпівальная Чаша» сабраліся ўдзельнікі праваслаўнага хроснага ходу цвярозасці, паведамляе БелаПАН.
Перад ягоным пачаткам быў адслужаны малебен перад абразам святога пакутніка Баніфацыя з часткай ягоных мошчаў. Прыняць удзел у хросным ходзе прыйшлі тыя, каго закранула праблема алкагольнай і наркатычнай залежнасці, хто неабыякавы да пытання выхавання падрастаючага пакалення на асновах цвярозасці.
1 студзеня - дзень памяці святога пакутніка Баніфацыя, які з'яўляецца нябесным заступнікам і хадайнікам да Госпада аб усіх людзях, якія пакутуюць ад алкагольнай і наркатычнай залежнасці. Хросны ход здзейсніўся з абразам святога Баніфацыя з часткай ягоных мошчаў, спецыяльна дастаўленым у прыход іконы Божай Маці «Неўпівальная Чаша».
Традыцыя рабіць у Менску хросныя хады раніцай 1 студзеня бярэ пачатак з 2011 года.